مرکزی وزارت صحت اور خاندانی بہبود اور نیشنل ڈیزاسٹر مینجمنٹ اتھارٹی نے تمام ریاستوں اور مرکز کے زیر انتظام علاقوں (یو ٹی) کو ایک مشترکہ ایڈوائزری جاری کی ہے تاکہ موسم گرما کے مہینوں میں ہسپتالوں میں لگنے والی ممکنہ آگ کو روکا جا سکے۔ سکریٹری صحت نے ریاستی محکمہ صحت اور ریاستی ڈیزاسٹر مینجمنٹ حکام سے درخواست کی کہ وہ اپنے دائرہ اختیار کے تمام تسلیم شدہ اسپتالوں کا فوری طور پر مکمل معائنہ یقینی بنانے کے لیے مل کر کام کریں۔