प्रदुशण, हवामानाचो गोंधळ, वसणुकेची हानी आनी सैमाचें शोशण लाखांनी वनस्पती आनी जनावरांच्या प्रजातींक नामशेष जावपाचो धोको निर्माण करता अशा वेळार डिजिटल तंत्रज्ञान वन्यजीव संवर्धनाक कशें चालना दिवंक शकता हाचेर ह्या वर्साचो विशय केंद्रीत आसा. उत्सर्जन नेटान उणें करपाक, हवामानाच्या अतितायेक जुळोवन घेवपाक, प्रदुशण आडावपाक आनी जैवविविधतायेचें लुकसाण उणें करपाक देशांनी तातडीची कृती करची अशें आवाहन सरचिटणीसान केलें.