सर्वोच्च न्यायालयान स्टेट बँक ऑफ इंडियाक निवडणूक रोखांचेर आशिल्लो एकमेव अल्फान्यूमेरिक कोड निवडणूक आयोगाक उक्तो करपाक सांगलें. भारताचे मुखेल न्यायमूर्ती डी. वाय. चंद्रचूड हाच्या अध्यक्षतेखाला आशिल्ल्या खंडपिठान एस. बी. आय. चे अध्यक्ष आनी व्यवस्थापकीय संचालकाक 21 मार्चाक सांजे 5 वरांचेर वा ताचे पयलीं प्रतिज्ञापत्र दाखल करपाक सांगलें की बँकेन 12 एप्रिल, 2019 ह्या तारखेच्या तात्पुरत्या आदेशा उपरांत खरेदी केल्ल्या रोखांची सगळी म्हायती उक्तायल्या.