ह्या म्हयन्याचे सुरवेक एका म्हत्वाच्या निर्णयांत युरोपीय मानवी हक्क न्यायालयान स्वित्झर्लंड सरकाराक बायलांच्या वरिश्ठ नागरीकांच्या एका पंगडाच्या हक्कांचें उल्लंघन करपा खातीर दोशी थारयलें. हवामानाचें संकट कशें चडांत चड मानवी हक्कांचें संकट जायत आसा हाचेर ह्या प्रकारांत पयलेच खेपे उजवाड घालता. भारताच्या सर्वोच्च न्यायालयान कलम 14 (कायद्या मुखार समानताय आनी कायद्याचें समान संरक्षण) चो उल्लेख करून लोकांक 'हवामान बदलाच्या वायट परिणामांतल्यान मुक्त जावपाचो' अधिकार आसा असो निकाल दिलो.